Ngacmim në TikTok
Një grua nga Mitrovica e Veriut ka denoncuar një rast ngacmimi që, sipas saj, po i ndodh përmes rrjeteve sociale.
Burime të Sinjalit bëjnë me dije se viktima I.S., ka raportuar në polici se në rrjetin social TikTok është krijuar një profil i rremë me emrin “SPRDNJA IVANA STOJANOVIC”, i cili sipas saj, përdoret për ta fyer dhe për ta ekspozuar publikisht në komente të ndryshme.
E njëjta dyshon se pas këtij profili qëndron ish-i fejuari i saj, me të cilin ka pasur bashkëjetesë dhe një fëmijë, por tashmë janë të ndarë.
Rasti është denoncuar më 5 gusht rreth orës 14:30 në stacionin policor në Mitrovicë të Veriut, ndërsa Prokurori kujdestar ka autorizuar inicimin e rastit si “Ngacmim”.
Hetimet për zbardhjen e identitetit të autorit janë në zhvillim.
