Hapet mediumi i ri informativ në Kosovë, “VOX Kosova”
Është lansuar mediumi i ri informativ në Kosovë “VOX Kosova”.
Lajmin e bëri të ditur gazetari – njëkohësisht drejtori i këtij mediumi – Lirim Mehmetaj, i cili përmes një video-adresimi shpalosi vizionin dhe misionin e këtij mediumi të ri, duke sfiduar qasjen aktuale ndaj gazetarisë në vend.
Sipas Mehmetaj, partia në pushtet promovon një model të gazetarisë apolitike dhe të distancuar nga realiteti, duke e paraqitur paanshmërinë si mospërfshirje dhe neutralitetin si heshtje.
“Ekziston një keqkuptim për gazetarinë dhe gazetarët në Kosovë i municionuar nga partia në pushtet. Gazetaria, thotë regjimi aktual, duhet të jetë veç transmetim, e gazetarët veç postierë të dhënash.
E kamuflojnë me kërkesën për objejtivitet por çfarë mendojnë është indiferencë. Flasin për neutralitet ama çfarë kërkojnë është apati. Thërrasin paanshmëri duke dashur mospërfshirje. Gazetaria nuk është vetëm shtyerje të dhënash pa kontekst. E vërteta është e anshme. Puna jona si gazetarë nuk është të jemi neturalë, por të vërtetë” – u shpreh Mehmetaj
