Gjuajtje me armë në Prishtinë
Sot rreth orës 22:40, ka pasur të shtëna me armë zjarri në sheshin “Skënderbeu” në Prishtinë, aty ku po mbahet festivali “Akull n’Verë”.
Zëdhënësja e Policisë për rajonin e Prishtinës, Flora Ahmeti, ka konfirmuar për Gazetën Sinjali se rasti është raportuar rreth orës 22:40.
Sipas saj, njësitet policore kanë reaguar menjëherë dhe kanë arrestuar një person të dyshuar. Po ashtu, është sekuestruar një armë në vendin e ngjarjes.
“Sot rreth orës 22:40 kemi marrë informatën për të shtëna me armë zjarri në sheshin ‘Skënderbeu’ në Prishtinë. Njësitet policore menjëherë kanë dalë në vendin e ngjarjes, ku kanë arrestuar personin e dyshuar dhe kanë sekuestruar një armë”, tha Ahmeti.
Sipas saj, nuk raportohet për persona të lënduar.
