Barcelona harron një lojtar në Kore të Jugut

Një situatë e pazakontë ka ndodhur pas rikthimit të skuadrës së Barcelonës nga turneu në Korenë e Jugut.

Mbrojtësi danez Andreas Christensen nuk ishte pjesë e fluturimit të kthimit të ekipit katalanas më 4 gusht, duke mbetur në Korenë e Jugut.

Raportimet nga mediat spanjolle bëjnë të ditur se klubi ka vërejtur mungesën e tij vetëm pasi avioni ishte ngritur.

Ende nuk ka një njoftim zyrtar nga Barcelona lidhur me arsyet pse Christensen nuk është kthyer bashkë me skuadrën.

Christensen zhvilloi paraqitje të mirë gjatë miqësores kundër FC Seoul, ku shënoi një gol nga distanca.

E ardhmja e tij mbetet e paqartë, pasi pavarësisht spekulimeve për shitje, lojtari ka shprehur dëshirën për të qëndruar në “Camp Nou” deri në përfundim të kontratës së tij aktuale.