Uran Ismaili i pyet qytetarët për sheshin “Xhorxh Bush”

Kandidati i PDK-së për kryetar të Prishtinës, Uran Ismaili i ka pyetur disa qytetarë nëse mendojnë se duhet hapur sheshi “Xhorxh Bush” për qarkullim të automjeteve.

Ai pyeti në Facebook se “a i shërben ndokujt sheshi Xhorxh Bush i mbyllun edhe për vetura, edhe për këmbësorë?”, ndërsa publikoi një video.

“Janë afro katër vite prej kur sheshi “Xhorxh Bush” është mbyllë për qarkullim. Pa kurrfarë plani. Kjo ka shkaktu kaos, bllokadë gjithandej në qytet. Si rezultat, e kemi një grupë të madhe në qendër të qytetit, ku është blloku trafiku dhe e pësojnë bizneset përreth. E çmimin e krejt kësaj e paguajnë qytetarët e Prishtinës”, tha ai.

“Mos të keqkuptohemi. Krejt kemi qejf me e pasë një shesh të madh në qendër të Prishtinës, mirëpo jo shkel e shko, jo kështu duke e blloku trafikun qe katër vite pa ofru kurrfarë zgjidhje”, shtoi Ismaili.

“Është koha për Prishtinën dhe nuk ka problem që nuk zgjidhet. Veç a din dhe a don”, thotë ai.