Aksident i rëndë në Veternik: Përplasen dy vetura dhe një kamion, një i lënduar

Një aksident i rëndë trafiku ka ndodhur sot rreth orës 10:00 në lagjen “Veternik” të Prishtinës, ku janë përfshirë dy vetura dhe një kamion. Në vendngjarje kanë shkuar menjëherë Policia dhe autoambulanca.

Lajmin e konfirmoi zëdhënësja e Policisë për rajonin e Prishtinës, Flora Ahmeti, e cila bëri të ditur se aksidenti ka ndodhur në rrugën Prishtinë–Ferizaj dhe se ka pasur lëndime.

“Në këtë aksident kanë qenë të përfshira tri automjete (një kamion dhe dy vetura). Si pasojë e aksidentit është lënduar një person”, tha Ahmeti.

Rasti po hetohet nga njësiti i trafikut rajonal.

Pamjet e siguruara nga Sinjali tregojnë se aksidenti ka shkaktuar kolona të gjata përgjatë kësaj rruge.