Shqipëri: Aksident i rëndë, një i vdekur, pesë të lënduar

Një aksident me pasojë vdekjen e një personi dhe lëndimin e pesë të tjerëve ka ndodhur të mërkurën në Fier.

Policia tha se ngjarja ndodhi rreth orës 11:00, në vendin e quajtur “Rotondo e Levanit”, ku automjeti me drejtues shtetasin I. P., është përplasur me automjetin me drejtues shtetasin L. B., 51 vjeç.

Si pasojë e përplasjes ka humbur jetën shtetasi L. B. dhe kanë shkuar në spital për të marrë mjekim shtetasi I. P. dhe katër pasagjerë, raporton euronews.al.

Grupi hetimor po punon për sqarimin e plotë të rrethanave dhe shkakut të aksidentit.