Gjuajtje me armë pranë një restoranti

Një incident me armë zjarri ka ndodhur më 6 gusht 2025, rreth orës 14:00, në rrugën “Gjergj Sokoli” në Gjakovë, përballë restorantit “Ela”.

Policia ka pranuar informatë për të shtëna me armë zjarri, ku menjëherë kanë dalë në vendin e ngjarjes njësitë patrulluese dhe sektori i hetimeve.

Në vendin e ngjarjes janë gjetur gjithsej 11 gëzhoja të kalibrit 9×19 mm. Pas veprimeve të shpejta hetimore, është identifikuar vetura nga e cila dyshohet se është shkrepur arma dhe, në bashkëpunim me Stacionin Policor në Deçan, është arritur ndalimi i automjetit dhe personit të dyshuar, Shkelzen Atashi.

Gjatë kontrollit, tek i dyshuari është gjetur dhe sekuestruar arma e dyshuar si mjet i përdorur në incident. I njëjti është shoqëruar për intervistim në prani të avokatit në SP Gjakovë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.