Arrestohet një polic i Serbisë, i sekuestrohen 20 fishekë
Një polic i Serbisë është arrestuar në pikën kufitare mes Kosovës dhe Serbisë, në Bërnjak.
Arrestimin e personit në Bërnjak e ka konfirmuar për Gazeta Sinjali edhe zëvendësdrejtori i policisë për rajonin e veriut, Veton Elshani, ndonëse i njëjti nuk mundi të konfirmojë nëse i arrestuari është polic.
“Sot në orët e pasdites policia kufitare në bërnjak e ka ndaluar një person i cili në veturë kishte 20 fishekë të kalibrit 9mm. I njëjti është arrestuar dhe me urdhër të prokurorit është ndaluar për 48 orë”, tha Elshani për Sinjalin.
