42 vjeçari grushton dy policë brenda stacionit
Një incident i rëndë është raportuar dje në mesditë në objektin e Komunës së Prishtinës, ku një person ka sulmuar fizikisht dy zyrtarë policorë gjatë kryerjes së detyrës zyrtare.
Sipas njoftimit të policisë, rasti ka ndodhur rreth orës 13:30 në rrugën “Ahmet Krasniqi”. I dyshuari kishte hyrë në objekt duke mos respektuar rregulloren e rendit të brendshëm dhe kishte refuzuar urdhrat e policëve që kryenin detyrën sekondare të sigurisë.
Pas kundërshtimit verbal, ai ka filluar t’i sulmojë fizikisht zyrtarët policorë me grushte, duke u shkaktuar lëndime trupore.
Viktimave u është ofruar trajtim mjekësor në vendngjarje, ndërsa edhe i dyshuari ka marrë ndihmë mjekësore pas arrestimit.
Rasti është trajtuar nga Njësia e Hetimeve Rajonale në Prishtinë dhe, në konsultim me prokurorin kujdestar, është cilësuar si “Sulm ndaj personit zyrtar gjatë kryerjes së detyrës zyrtare” sipas nenit 402 të Kodit Penal të Kosovës.
