Lajmi i fundit: Popoviq dënohet me kaq burgim dhe…

Prokuroria i ka propozuar Gjykatës që Ndihmësdrejtori i Zyrës për Kosovën në qeverinë serbe, Igor Popoviq, të dënohet me 6 muaj burgim dhe me dëbim nga Kosova.

Siç njofton gazetarja e Klan Kosovës, Qëndresa Tërshani, prokurorja e rastit ka kërkuar që dënimi me burg atij t’i zëvendësohet me gjobë prej 3 mijë euro.

Ndërsa masa për dëbim nga Kosova të vlejë për 2 vjet.

Marrëveshja është pranuar nga Gjykata ndërsa shpallja e dënimit do të bëhet në orën 14:00.

Gjykata Themelore në Prishtinë zhvilloi sot një seancë dëgjimore ku u shqyrtua marrëveshja e arritur mes Prokurorisë Speciale dhe Igor Popoviqit për pranimin e fajësisë.

Popoviq, ndihmësdrejtor në Zyrën për Kosovën në qeverinë serbe, ka pranuar fajësinë për veprën penale që i ngarkohet.

Ai u arrestua muajin e kaluar nga Policia e Kosovës pas një fjalimi të mbajtur në Hoçë të Madhe të Rahovecit, ku, sipas aktakuzës, kishte përdorur gjuhë nxitëse kundër Ushtrisë Çlirimtare të Kosovës dhe komuniteteve të tjera etnike.