“Është një turp”, Thierry Henry për lojtarin që nuk e fitoi kurrë Topin e Artë

Futbollisti legjendar francez, Thierry Henry, beson se ish-mesfushori i Liverpoolit, Steven Gerrard, e meritonte të fitonte Topin e Artë gjatë karrierës së tij.

Topi i Artë vazhdon të jetë temë diskutimi gjithmonë, sidomos kur afrohet koha për ndarjen e çmimit më të madh individual.

“Fituesit e Topit të Artë votohen si të duan, dhe kur shikon votimin çdo vit, sheh të njëjtët tre emra të parë dhe mendon: ‘A e ke seriozisht?’”, ka thënë fillimisht Henry për Give Me Sport.

“Për shembull, është turp që Gerrard nuk e fitoi kurrë çmimin pas finales së Ligës së Kampionëve të vitit 2005 në Stamboll”.

“Unë e konsideroj Steven një nga mesfushorët më të mëdhenj të të gjitha kohërave”, përfundoi legjenda franceze.

Si kujtesë, në finalen e Ligës së Kampionëve të vitit 2005, Liverpooli ishte në disavantazh ndaj Milanit me rezultatin 0-3 në pjesën e parë, por barazoi rezultatin në pjesën e dytë dhe fitoi trofeun në gjuajtjet e penalltive.

Gerrard shënoi një nga golat në pjesën e dytë të asaj ndeshjeje.