IKShPK me apel për qytetarët për shkak të temperaturave të larta
Instituti Kombëtar i Shëndetësisë Publike të Kosovës (IKShPK) ka apeluar qytetarët që të tregojnë kujdes të shtuar gjatë ditëve me temperatura ekstreme, raporton PodujevaSot.net.
Në njoftimin e bërë publik, IKShPK ka dhënë disa këshilla të rëndësishme për një verë më të sigurt dhe të këndshme, duke theksuar nevojën për mbrojtje nga rrezet e diellit dhe hidratim të rregullt.
Rekomandimet përfshijnë:
- Pini ujë rregullisht për të qëndruar të hidratuar.
- Përdorni syze dielli me mbrojtje UV.
- Vendosni krem mbrojtës kundër diellit.
- Vishni rroba të lehta dhe mbani kapelë.
- Qëndroni në hije dhe shmangni ekspozimin nga ora 11:00 deri në 17:00.
- Mos lini fëmijë apo kafshë në automjete të parkuara.
Sipas IKShPK-së, zbatimi i këtyre këshillave është thelbësor për të shmangur pasojat e mundshme shëndetësore nga temperaturat e larta.
Më poshtë edhe njoftim i tyre zyrtar në facebook:
