Zjarr i madh në këto fshatra të Podujevës

Disa fshatra të Podujevës janë përfshirë nga zjarri.

Kështu ka njoftuar kryetari i Podujevës, Shpejtim Bulliqi, me anë të një postimi.

Më poshtë postimi i Bulliqit:

Momentalisht ndodhemi në terren, në fshatin Merdar, ku po përballemi me vatra aktive zjarri. Zjarre janë raportuar gjithashtu në Katunishtë, Bradash dhe Dyz.

Me rritjen e temperaturave, rreziku për shpërthimin e zjarreve është rritur ndjeshëm.
Ju bëjmë thirrje të gjithëve: tregoni kujdes maksimal, mos ndizni zjarre dhe raportoni menjëherë çdo rast tek autoritetet.