Vetura përplas një fëmijë – Aksident i rëndë

Një aksident i rëndë trafiku ka ndodhur sot paradite në fshatin Bresje, në rrugën Fushë Kosovë–Prishtinë, përballë pompës së derivateve “Kastrati”, ku një fëmijë ka mbetur i lënduar rëndë.

Burime të Sinjalit bëjnë të ditur se ngjarja ka ndodhur më 10 gusht 2025, rreth orës 10:10, kur një veturë e tipit VW Golf V, që drejtohej nga Agim Mustafa, është përplasur me një biçikletë në lëvizje.

Si pasojë e goditjes, drejtuesi i biçikletës – një fëmijë i moshës rreth 8-10 vjeç – ka pësuar lëndime të rënda trupore. Ai është dërguar me urgjencë për trajtim mjekësor, ndërsa ende nuk janë bërë të ditura gjendja e tij e saktë dhe identiteti.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.