Kurti: Për dy vjet janë hapur 40 mijë vende të reja pune

Kryeministri i Kosovës me anë të një postimi ka publikuar arritjet e qeverisje gjatë këtyre dy viteve. Ai ka thënë që për dy vjet sa ai është kryeministër i Kosovës, në Kosovë janë hapur 40 mijë vende pune.

“Qarkullimi i bizneseve për periudhën janar-gusht 2022 ka shënuar rritje prej 21.6% krahasuar me periudhën e njëjtë të vitit 2021 dhe 67.9% krahasuar me vitin 2020. Si rezultat, në vitin 2021 kishim të regjistruara 25 mijë vende pune më shumë sesa ai pararendës, kurse nga janari deri në gusht të këtij viti kemi 15 mijë vende pune më shumë. Përveç ndihmës direkte me subvencione, po ndihmojmë bizneset tona përmes uljes së kostos së të bërit biznes,” ka thënë Kurti.

Për këtë progres ekonomik, Kurti ka thënë që nuk është rastësi e as hamendësi po rezultat i një qeverisje të mirë të Lëvizjes Vetëvendosje.

“Progresi ekonomik nuk është hamendësim e as rastësi. Ai është rezultat i politikave të duhura dhe qeverisjes së mirë. Shifrat dhe indikatorët më lart janë dëshmia jonë për këtë”, ka përfunduar Kurti.