Kjo është gruaja që dyshohet se i dha fund jetës

Një ngjarje e rëndë ka ndodhur në orët e para të mëngjesit të sotëm në fshatin Beqiq të Vushtrrisë, ku një grua dyshohet se i ka dhënë fund jetës së saj.

Sipas burimeve, rasti është raportuar rreth orës 01:30 nga bashkëshorti i saj, i cili ka njoftuar policinë se e kishte gjetur të shoqen të varur me litar në një trarë brenda stallës ku mbahej ushqimi për bagëtitë.

Në vendngjarje kanë dalë menjëherë njësitë policore dhe ekipi mjekësor, të cilët kanë konstatuar se gruaja nuk shfaqte shenja jete. Autoritetet kanë nisur hetimet për të zbuluar rrethanat dhe motivin e mundshëm të kësaj tragjedie.

Burime nga vendi i ngjarjes bëjnë të ditur se viktima është Rabie Mehmeti, e cila sipas informacioneve paraprake kishte probleme shëndetësore. Me urdhër të prokurorit kujdestar, trupi i saj është dërguar në Institutin e Mjekësisë Ligjore për obduksion.