Mjeku i njohur në Podujevë i hyn garës për asamble

Mjeku i njohur në Podujevë, Muhamet Ymeri, zyrtarisht i ka hyrë garës për asamble komunale.

Prezentimi i tij si kandidat për një ulëse në Kuvendin Komunal u bë nga kryetari i Podujevës, Shpejtim Bulliqi.

Njoftim i plotë nga Lëvizja Vetëvendosje:

Dr. Muhamet Ymeri pjesë e listës sonë fituese për Asamblenë Komunale

Dr. Muhamet Ymeri është pjesë e listës sonë fituese për Asamblenë Komunale të Podujevës.

I lindur më 27 maj 1970 në fshatin Balloc, Dr. Muhamet Ymeri kreu shkollimin fillor e të mesëm në Podujevë, ndërsa studimet universitare në Fakultetin e Mjekësisë – drejtimi Mjekësi e Përgjithshme, në Universitetin e Prishtinës.

Prej vitit 2009 punon në QKMF Podujevë si mjek i përgjithshëm, ndërsa në vitin 2018 u specializua në Mjekësi Familjare. Për 13 vite ka qenë pjesë e ekipit të urgjencës së qytetit. Me profesionalizëm, përvojë dhe përkushtim, dr. Muhamet Ymeri do të jetë një zë i fuqishëm për shëndetësinë në Asamblenë Komunale.

Kryetari i Qendrës njëherit Kryetari i Komunës, Shpejtim Bulliqi e mirëpriti dhe e uroi Dr.Muhametin, duke i dëshiruar sukses në garë.