Arrestohen dy persona në Podujevë – Kjo është arsyeja

Dy persona janë arrestuar në qytetin e Podujevës për trafikim me armë. Në bazë të urdhëresës nga gjykata kompetente, disa zyrtarë policorë kanë organizuar një aksion në qytetin e Podujevës.

Njësitet policore nga Drejtoria për Hetimin e Krimit të Organizuar në këto lokacione, kanë kryer kontrolle të shtëpive dhe objekteve përcjellëse, pronë e të dyshuarve me qëllim të mbledhjes së provave për veprimtarinë kriminale të të dyshuarve.

Gjatë këtij operacioni policor, janë sekuestruar këto prova materiale: tri armë (dy AK47, një revole), 219 fishekë kalibra të ndryshëm dhe pjesë për armë të kalibrave të ndryshëm, një maskë, dy telefona mobilë.

Dy persona janë arrestuar dhe janë dërguar në mbajtje për 48 orë.