Përkrahës të Partisë Përparimtare Serbe (SNS) organizuan kundër-tubime në Vrbas dhe Baçka Palankë, ku u raportua për sulme të sinkronizuara ndaj qytetarëve që po protestonin të paralajmëruar më herët.

Sipas raportimeve nga terreni, ndaj protestuesve u hodhën fishekzjarrë dhe mjete të tjera piroteknike, si dhe u përdorën vezë e shishe.

Në pjesë të incidentit u pa edhe ndërhyrja e policisë, pas përplasjeve fizike mes pjesëmarrësve të dy tubimeve.

Një student i pranishëm ka deklaruar se protestuesit u sulmuan ndërsa po qëndronin paqësisht dhe se grupe të SNS-së kishin ardhur të pajisur me mjete piroteknike dhe sende të tjera të forta.

Raportohet për disa të lënduar, por pa viktima. Autoritetet pritet të japin një njoftim zyrtar rreth numrit të të lënduarve dhe masave të marra për sigurinë publike.

Shiko pamjet: