Buna Shala kandidon për Asamble Komunale

Buna Shala do të kandidojë për Asamble Komunale nga Lëvizja Vetëvendosje.

Më poshtë postimi i VV-së:

Buna Shala pjesë e listës zgjedhore të Lëvizjes

Buna Shala është kandidate në listën tonë zgjedhore për Asamblenë Komunale.
Buna është studente në Universitetin e Prishtinës, Fakulteti i Mjekësisë – Dega Farmaci, ajo ka ndjekur një semestër studimi në Universitetin e Mjekësisë në Lublin, Poloni, përmes programit Erasmus, ku edhe ka fituar njohuri të avancuara në fushën farmaceutike. Në fushën e studimeve është në vitin e fundit.

Me përkushtimin e saj në përmirësimin e shëndetësisë, zhvillimin e arsimit dhe fuqizimin e të rinjve, Buna sjell në listën tonë energji të re. Familja e saj në Llap e më gjerë njihet për kontributin patriotik në shërbim të atdheut.

Kryetari i Qendrës njëherit Kryetari i Komunës, Shpejtim Bulliqi e mirëpriti dhe e uroi duke i dëshiruar suksese në garë.