Nipi i Hashim Thaçit pjesë e listës së PDK-së për Kuvendin Komunal

Partia Demokratike e Kosovës ka prezantuar listën e 56 kandidatëve të PDK-së për Asamble Komunale të Prishtinës.

Në një postim nga kandidati për kryetar Uran Ismaili, thuhet se lista përbëhet nga profesionistë, arkitektë, urbanistë, dhe qytetarë aktivë nga çdo lagje e Prishtinës.

Në këtë ekip, në njoftim thuhet se janë mbi 40% janë gra, ndërsa 70% e kandidatëve garojnë për herë të parë, duke sjellë energji të re dhe përfaqësim të gjerë nga Velania në Ulpianë, nga Dardania në Arbëri, nga Bregu i Diellit në Kodër të Trimave e deri te Kolovica dhe Hajvalia.

Listës i prinë Uran Ismaili, pastaj Besianë Musmurati, Drin Ejupi, Leutrim Retkoceri e Nora Cimili-Gagica.

Në mesin e kandidatëve është edhe nipi i ish-presidentit Hashim Thaçi, Albini.

Pjesë e kësaj liste është edhe ish-gazetarja dhe aktivistja e shoqërisë civile Fjolla Vukshinaj-Reçica, e cila mban numrin 30.