TRAGJIKE: Ndërron jetë Lior Bytyçi (FOTO)
Një rast tragjik ka ndodhur para pak ditëve në Frankfurt të Gjermanisë, ku gjatë një shëtitje nga një prej qerdheve atje, nga një aksident, ka humbur jetën një fëmijë nga Shkoza e Malishevës.
Sipas faqes së fshatit FSHATI SHKOZË, bëhet fjalë për Lior Selman (Hysen) Bytyçin.
Ky fëmijë kishte lindur dhe jetonte në Frankfurt, së bashku me prindërit dhe me familjarët e tjerë. Në një shëtitje që kishte organizuar njëri nga institucionet parashkollore në Frankfurt, ky fëmijë kishte rënë në ujë, ku edhe kishte gjetur vdekjen aty.
Gjithnjë sipas faqes së fshatit, e pamja për këtë fëmijë, mbahet në shtëpinë e familjes në Shkozë, ndërsa për varrimin e të ndjerit, ende nuk dihet, ngase është ende në ekspertizë në Gjermani.
