Vuçiç “tërhiqet nga politika”: Unë nuk jam diktator!

Presidenti serb Aleksandër Vuçiç deklaroi këtë të mërkurë se nuk ka ndërmend të ndryshojë kushtetutën e vendit në asnjë mënyrë për të marrë mundësinë për të kandiduar përsëri për postin e kreut të shtetit.

Sipas Kurir, Vuçiç bëri deklaratën përkatëse në një takim me kancelarin austriak Christian Stocker.

“Do të ketë zgjedhje. Unë vetë jam një veteran politik, nuk mund të kandidoj më për president, nuk më shkon ndërmend të ndryshoj Kushtetutën për të qenë në gjendje të kandidoj përsëri”, tha Vuçiç në Vjenë.

Ai theksoi se nuk është diktatori siç e “pikturojnë” disa media, dhe karriera e tij presidenciale do të përfundojë pas një viti e disa muajsh.

Vuçiç shtoi se pas përfundimit të mandatit të tij presidencial, ai synon të vazhdojë të marrë pjesë në jetën politike të Serbisë, por nuk specifikoi se çfarë pozicioni do të donte të mbante.

Vuçiç ka qenë president i Serbisë që nga 1 qershori 2017. Përpara kësaj, ai ishte kryeministër i vendit për më shumë se tre vjet. Në vitet 2012-2013, Vuçiç drejtoi Ministrinë e Mbrojtjes së Serbisë, dhe në vitet 1998-2000, ai drejtoi Ministrinë e Informacionit. (A2 Televizion)