Policia dënon me nga 500€ shoferët që i kanë vendosur zhurmues veturave

Policia e Kosovës në Prizren ka ndërmarrë aksion të shtuar kundër automjeteve të modifikuara me zhurmues të veçantë, të cilat shkaktojnë tejkalim të nivelit të lejuar të zhurmës.

Gjatë kësaj jave, njësitet policore të Njësisë Rajonale të Komunikacionit Rrugor kanë identifikuar disa automjete të tilla dhe i kanë dërguar për kontroll teknik të jashtëzakonshëm.

Sipas raporteve të kontrollit teknik, disa prej tyre tejkalonin kufijtë ligjorë të zhurmës.

Për pronarët e këtyre automjeteve, policia ka shqiptuar gjoba prej 150 eurosh për përdorimin e zhurmuesit të paautorizuar dhe deri në 500 euro për prishje të rendit dhe qetësisë publike.

Përveç kësaj, janë dënuar edhe drejtues të tjerë për tejkalim të shpejtësisë.

Policia e Kosovës ka theksuar se mbetet e përkushtuar për të garantuar sigurinë rrugore dhe qetësinë e qytetarëve, duke inkurajuar qytetarët të raportojnë shkeljet përmes aplikacionit “Raporto Policinë”.