Rinesa Babatinca kandidon për Asamblenë Komunale

Rinesa Babatinca do të kandidojë për Asamblenë Komunale.

Më poshtë postimi i saj:

Të dashur qytetarë të Komunës së Podujevës, miq, familjarë, bashkëvendas të mi.

Kam kënaqësinë t’ju njoftoj se kam marrë besimin e Kryetarit të ardhshëm të Komunës së Podujevës për të qenë në listën për Asamble Komunale në zgjedhjet lokale të 12 tetorit, nga radhët e LDK-së në krye me Kryetarin
Dr. Ekrem Hyseni.

Me kënaqësi e kam pranuar këtë propozim, nisur nga dëshira ime për të kontribuar në zhvillimin e komunës sonë, për të ngritur zërin e qytetarëve tanë pikërisht në vendin ku merren vendime që prekin çdo ditë qytetarët tanë në secilën fushë, e sidomos në fushën e arsimit, shëndetësisë, infrastrukturës, mirëqenies sociale, në çdo lagje dhe fshat të qytetit tonë.

Kandidoj sepse dua një komunë ku zëri i të rinjve dëgjohet, ku vajzat kanë hapësirë të barabartë për të udhëhequr, dhe ku barazia është edhe praktikë në çdo vendim.

Unë jam këtu për të përfaqësuar një brez që nuk pranon të qëndrojë në heshtje.
Një brez që kërkon ndryshim me dinjitet, zhvillim me barazi dhe udhëheqje me përgjegjësi.
Nuk jam këtu për premtime boshe, por për punë të ndershme dhe të sinqertë, të cilat do t’i realizojmë pas 12 tetorit, së bashku me Kryetarin Ekrem Hyseni dhe listën fituese për Asamble nga LDK.

Faleminderit për besimin dhe mbështetjen tuaj, së bashku mund ta bëjmë komunën tonë një vend më të mirë për të jetuar.

E juaja,
Rinesa Babatinca
30️

LDK ✌️