E shtuna me mësim gjysmak, inspektorët monitorojnë shkollat (VIDEO)

Këtë të shtune nisi zbatimi i vendimit të Ministrisë së Arsimit që të mbahet mësimi kompensues i ditëve të humbura gjatë grevave. Në terren për të mbikëqyrur zbatimin e tij dolën inspektorët e MASHT-it.

Në shkollat e Podujevës qe inspektori Nebi Behluli, që tha se mësimi u mbajt normalisht.

“Mbi bazën e informatave që i kemi edhe nga DKA, por edhe nga terreni, gjendja e vijueshmërisë së nxënësve dhe mësimdhënësve në këtë komunë është në nivelin e duhur”, tha Behluli.

Inspektorë dolën edhe në qytetet e tjera të Kosovës. E ata të kryeqytetit vizitat i përfunduan në shkollën fillore “Zenel Hajdini”. Por këtu nuk qenë të gjithë mësimdhënësit e as nxënësit, njofton Klan Kosova.

“Ishin dy klasë që mbanin mësim në ciklin e pasdites, ndërsa paradite na njoftoi zëvendësdrejtoresha se nuk ka pasur fare mësim, nuk ka pasur mësimdhënës as nxënës”, tha Valbona Hadri, Inspektore e Arsimit në MASHT.

Hadri bashkë me kolegë që patën nën mbikëqyrje gjysmën e kryeqytetit, vizituan 10 shkolla në këtu dhe dy në Obiliq.

“Konsiderojmë se shumica e shkollave mësimdhënësit i kanë pas prezent por mësimi nuk është mbajtur. Pjesërisht në disa shkolla 2-3 klasë kanë mundur të mbajte mësim”, shtoi tutje ajo.

Inspektorja deklaroi se mungesa e nxënësve ka pamundësuar zhvillimin e procesit mësimor. Këtë e kishte kërkuar Këshilli i Prindërve

MASHT-i paralajmëron se të hënën do të dal me raport, derisa nga SBASHK-u pohuan se qëndrimin do ta japin pas takimit me anëtarët nga të gjitha komunat.