Arrestohet shoferi i kamionit që shkaktoi aksidentin me fatalitet
Një person është goditur për vdekje nga një kamion në qytetin e Pejës.
Nga Policia e Kosovës kanë bërë të ditur se rasti ka ndodhur rreth orës 9:43, në rrugën “Ardian Krasniqi” në këtë qytet.
Rastin e ka konfirmuar edhe Prokuroria Themelore e Pejës.
Shkodran Nikçi, zëdhënës i këtij institucioni, thënë për gazetën online Reporteri.net se shoferi është ndaluar për 48 orë.
“Në vendin e ngjarjes ka dalë policia dhe Prokurori i Shtetit. Ngasësi i automjetit është ndaluar për 48 orë me urdhër të prokurorit dhe viktima është dërguar në IML për obduksion”, deklaroi Nikçi. /Reporteri.net/
