Lajm i mirë: Shërohet Arnisa Gashi

Familjarët e Arnisa Gashit kanë bërë me dije se Arnisa është shëruar nga sëmundja që ishte prekur. Disa muaj më parë, ajo u përball me një sëmundje të rëndë që goditi sistemin e saj nervor, por falë forcës dhe mbështetjes së njerëzve të dashur, ka arritur t’i tejkalojë sfidat dhe të rikthehet në shëndetin e plotë.

Lajmin e gëzueshëm e kanë bërë të ditur vetë familjarët e saj, të cilët shprehin mirënjohjen e thellë ndaj qytetarëve për mbështetjen dhe ndihmën financiare të dhënë gjatë kohës së vështirë.

“Sot, zemrat tona janë plot jo vetëm nga gëzimi që Arnisa po kthehet në Kosovë, por edhe nga mirënjohja për çdo shpirt të mirë që na qëndroi pranë në këtë rrugëtim.

Ju falënderojmë nga thellësia e zemrës të gjithë juve që kontribuat, që na shkruat, që u interesuat çdo ditë, që na dhatë fjalë shprese e inkurajimi.

Ju u bëtë dritë në ditët tona më të errëta.

Mirënjohje të veçantë shprehim ndaj stafit të QKUK-së që u kujdesën për Arnisën derisa arriti momenti i udhëtimit për në Turqi”, thuhet në njoftimin e tyre. /Telegrafi/