Bllokim total në rrugën drejt pikës kufitare të Merdarit, krijohen tri traka veturash

Rruga që çon drejt pikës kufitare të Merdarit në Podujevë është bllokuar plotësisht në drejtim të daljeve nga Kosova.

Në këtë drejtim janë krijuar tri rreshta veturash, kryesisht me mërgimtarë, ndërsa automjetet që vijnë nga Merdari drejt Podujevës nuk kanë mundësi të kalojnë.

Policia ka ndërhyrë në vendngjarje për të menaxhuar qarkullimin dhe për të zhbllokuar rrugën, e ngarkuar nga fluksi i madh i bashkatdhetarëve që po kthehen në vendet e tyre të banimit.

Pamjet janë regjistruar rreth orës 19:00, më 15 gusht.