Shuajb Blakçori aderon në Vetëvendosje

Shuajb Blakçori ka aderuar në Vetëvendosje.

Më poshtë postimi i Bulliqit:

Mirësevjen në Lëvizje Shuajb Blakçori

Në zyrën e Lëvizjes Vetëvendosje! në Podujevë kam pritur aderimin tonë të ri, Shuajb Blakçorin. Në dy vitet e fundit kemi punuar bashkë me Shuajbin, ndaj jemi të bindur se ai do të jetë një vlerë e re për Lëvizjen dhe një forcë shtesë drejt fitores sonë më 12 tetor.

Shuajb Blakçori ka përfunduar studimet në Fakultetin Ekonomik ndërsa studimet në master i ka në Ekonomi të Gjelbër dhe Zhvillim të Qëndrueshëm Ekonomik në South East European University, duke u specializuar në hartimin dhe zbatimin e politikave që mbështesin ekonominë dhe ruajtjen e mjedisit.

Aktualisht është Drejtor i Inspeksionit në Komunën e Podujevës, më parë ka shërbyer edhe si Drejtor i Administratës. Përvoja e tij përfshin edhe punën si menaxher në përfaqësinë e Renault për Kosovë, menaxher në Kosmonte Foods, si dhe analist i të dhënave statistikore në GIZ-in gjerman.

Me Shuajbin si pjesë të ekipit forcohemi edhe më shumë në garat tona politike.

Mirësevjen Shuajb!