Adnan Lahu rikandidon për Asamblenë Komunale në Vushtrri

Adnan Lahu, njëri ndër përfaqësuesit aktiv të Lidhjes Demokratike të Kosovës në Vushtrri, ka shpallur kandidaturën e tij për Asamblenë Komunale në zgjedhjet e ardhshme, ku do të garojë me numrin 7.

Lahu e ka cilësuar këtë rikandidim si vazhdimësi të rrugëtimit të përbashkët me qytetarët e Vushtrrisë, të ndërtuar mbi besim, përkushtim dhe dashuri për vendlindjen.

Ai është shprehur mirënjohës për mbështetjen e vazhdueshme që ka marrë ndër vite, duke theksuar se ajo ka qenë forca që e ka shtyrë përpara në angazhimin e tij politik dhe qytetar.

Me kandidaturën e re, Adnan Lahu premton të mbetet zë i palëkundur i qytetarëve, duke qëndruar besnik parimeve dhe i përkushtuar për të mirën e përgjithshme të Vushtrrisë.