Tragjike: Ky është personi që u godit për vdekje nga traktori

Copy of Copy of Podujeva Sot Telefon

Një ngjarje e rëndë ka ndodhur dje paradite në fshatin Rubovc të Lipjanit, ku ka humbur jetën tragjikisht Elez Zaskoku, 67 vjeç.

Sipas burimeve të Sinjalit, rreth orës 10:50, Emergjenca e Lipjanit ka njoftuar se një person ishte sjellë pa shenja jete. Pas daljes në vendngjarje, është konfirmuar se viktima kishte pësuar aksident në oborrin e shtëpisë së tij.

Dëshmitari V.S. ka treguar se viktima kishte ndezur traktorin nga jashtë, duke i dhënë kontakt me “anlaser”. Meqenëse mjeti ishte në shpejtësi, ai kishte filluar të lëvizë vetë dhe e kishte zënë përfund Zaskokun, ndërsa rrota e pasme kishte përshkuar trupin e tij.

Në vend kanë dalë njësitet e hetimeve dhe forenzikës, ndërsa me urdhër të prokurorit të shtetit, rasti është cilësuar si “Vdekje aksidentale”. Trupi i pajetë i viktimës është dërguar për obduksion në Mjekësinë Ligjore.