Lajmi i fundit: Një person gjendet i varur në rrethojat e shtëpisë – policia nis hetimet
Një person është gjetur pa shenja jete mëngjesin e sotëm rreth orës 06:30 në rrugën “Mbreti Petar” në Zveçan.
Njësitet policore kanë dalë në vendin e ngjarjes, ku kanë vërejtur se personi me inicialet D.F., 77 vjeç, ishte gjetur i varur në disa rrethoja metali (grila) të cilat shërbenin si rrethojë e një shtëpie.
“Në lidhje me rastin, stafi mjekësor emergjent ka dalë në vendin e ngjarjes dhe ka konstatuar vdekjen e viktimës. Njësitet përkatës policore janë duke hetuar rrethanat e vdekjes”, thuhet në njoftimin e policisë.
Lidhur me rastin është njoftuar Prokurori i Shtetit, i cili ka udhëzuar që rasti të iniciohet si “Vdekje e dyshimtë”, ndërsa trupi i pajetë, me urdhër të Prokurorit, është dërguar në Institutin e Mjekësisë Ligjore për obduksion.
