Dy kosovarë kapen duke vjedhur në pompë derivatesh në Shqipëri

Policia e Shtetit në Shqipëri ka arrestuar dy të rinj nga Kosova, të dyshuar për vjedhje në një pompë të derivateve në qytetin e Lezhës.

Të arrestuarit janë identifikuar si A.S dhe T.I, të dy 18 vjeç, të cilët sipas policisë u kapën në flagrancë.

Pamjet nga momenti i vjedhjes u publikuan nga Policia e Shtetit, ndërsa të dyshuarit po përpiqeshin të largoheshin nga Shqipëria me veturë, duke shkuar drejt Malit të Zi në momentin kur u lokalizuan dhe u ndaluan nga forcat e rendit.