1 muaj paraburgim për të dyshuarin për krime lufte

Një muaj paraburgim është caktuar ndaj S.S, i dyshuar për krime lufte në Vushtrri.

Vendimi është marrë nga Gjykata Themelore e Prishtinës, njofton Klankosova.tv.

Kjo u komfirmua për Klankosova.tv nga zëdhënësja Mirlinda Gashi.

Sipas dosjes, S.S. dyshohet se në bashkëpunim me pjesëtarë të tjerë të uniformuar duke vepruar në grup si zyrtarë të mobilizuar rezervsit aktiv me njësi të përbëra nga Ministria e Punëve të Brendshme e Serbisë, gjatë periudhës së luftës në Kosovë ka marrë pjesë në vrasjen e civilëve të paarmatosur në Komunën e Vushtrrisë.

“Ndër të tjera, S.S. dyshohet se më 06.04.1999 në bashkëkryerje, gjatë një aksioni ka plaçkitur dhe djegur shtëpi, si dhe ka ushtruar dhunë fizike dhe seksuale ndaj civilëve të paarmatosur”, thuhet ndër të tjera në dosje./ Klankosova.tv.