​Abdixhiku: Kurti është i dëmshëm për vendin tonë

Kryetari i Lidhjes Demokratike të Kosovës, Lumir Abdixhiku ka deklaruar se çdo propagandë që vjen nga Qeveria është e rrezikshme sepse ka votat e mjaftueshme në Kuvend dhe mund t’i bëjë ndryshimet, megjithatë, tash e dy vite shihet se kjo qeveri është e paaftë.

Abdixhiku ka thënë se kur ka parë videon e postuar nga Lëvizja Vetëvendosje, ku është i përfshirë edhe ai, u ka thënë bashkëpunëtorëve se ata janë në panik, dhe ky është hap i ri për të mbuluar atë që nuk po mbulohet dot, e që është paaftësia qeverisëse gjatë dy viteve.

“Propaganda është një mjet i tyre. Kurti është i dëmshëm për vendin tonë, polarizues dhe i pa aftë për të qeverisë. Çdo propagandë që vjen prej Qeverisë është e rrezikshme sepse ka votat e mjaftueshme në Kuvend dhe mund t’i bëjë ndryshimet. Qeveria do të duhej të na fliste për rrugët që ka ndërtuar, për termocentralet, për 50 qerdhet, për shëndetësinë, jo të na flasin për të kaluarën e kundërshtarët politik që nuk janë”, tha ai, derisa lavdëroi angazhimin brenda LDK-së, duke thënë se po rriten çdo ditë dhe e cila sot një vit ka fituar zgjedhjet lokale.

Sipas tij, po të ishte ai në Qeveri, hapin e parë që do ta bënte, do të ishte heqja e TVSH-së për produktet bazike, si dhe akcizën, gjë që do të ndikonte në çmimet.

Ai shtojë se Kosova në vitin 2021, ka importuar 5.40 milionë litra naftë dhe ka marrë akcizë dhe TVSH rreth 200.20 milionë euro, kurse, këtë vit, deri më tani ka importuar 500 milionë litra naftë por Qeveria nga akciza dhe TVSH-ja ka marrë 4047 milionë euro, dy fish më shumë para sepse janë rrit çmimet dhe TVSH-ja është rritur.

“Unë po them se nëse qeveria ka marrë vitin e kaluar 200 milionë euro, pse mos t’i merr edhe në këtë vit 200 milionë, e pse 400 milionë”, tha ai në Tv Dukagjini.

Abdixhiku ka komentuar edhe deklaratën e zëvendëskryeministrit Besnik Bislimit se opozita i ka rekomandu kompanive private të bllokojnë projektet në komuna, duke thënë se kjo është pjesë e asaj paranoje të Qeverisë.

“Kryeministri Albin Kurti dhe ministrat e tij e kanë një atdhe të dytë por ai dhe njerëzit e LDK-së nuk e kanë”, tha ai./kp/