Ledion Spahiu kandidon për Asamblenë Komunale

Ledion Spahiu do të kandidojë për Asamblenë Komunale të Podujevës në listën “Forca e re Kombëtare”.

Më poshtë postimi i tij:

Të nderuar miq dhe dashamirë,

Sot, publikisht shpall kandidaturën time për Asamblenë Komunale. Rruga ime si aktivist civil është ndërtuar mbi besimin dhe mbështetjen e qytetarëve llapjanë, të cilët më njohin për kontributin tim në projekte të ndryshme shoqërore, arsimore dhe rinore.

Gjatë viteve kam pasur nderin të mbaj disa pozita dhe të angazhohem në iniciativa të rëndësishme, si:
• Nënkryetar i Këshillit të Nxënësve të Shkollës së Mesme dhe nxënës i dalluar.
• Anëtar i Këshillit të Nxënësve të Kosovës.
• Kryetar i OJQ-së “Kuvendi i të Rinjve të Podujevës”.
• Deputet në Kuvendin e të Rinjve të Kosovës.
• Pjesëmarrës e fitues i disa garave komunale dhe republikane në fushën arsimore dhe sportive.
• I trajnuar dhe i certifikuar në zhvillim personal nga trajnerë të njohur si V. Rexhaj, E. Mamaqi, Sh. Useini, D. Gafuri, si dhe pjesë e stafit organizativ të aktiviteteve të ndryshme.
• Pjesëmarrës aktiv në aktivitete humanitare, duke kontribuar në ndihmën për familjet në nevojë, organizimin e fushatave për mbështetje sociale dhe aktivitete bamirësie në komunitet.

Ky angazhim i vazhdueshëm në arsim, shoqëri civile, sport dhe humanitet më ka formësuar si një të ri që beson në fuqinë e ndryshimit pozitiv, transparencën dhe përfaqësimin dinjitoz të qytetarëve.

Me këtë kandidim, synimi im është të jem zëri i rinisë, i qytetarëve aktivë dhe i çdo llapjani që beson se bashkë mund të ndërtojmë një të ardhme të ndritur, më të drejtë dhe me mundësi të barabarta për të gjithë.

Rinia në zë, Podujeva në zhvillim.

Ledioni
2