Flasin për Klanin nga ‘Dubova Reisen’: 41 udhëtarë ishin në autobus, 3 u lënduan lehtë

Një autobus nga Kosova është aksidentuar pak pas mesnatës në Gjermani.

Lidhur me këtë aksident ka reaguar kompania Dubova.

Në një deklaratë për Klankosova.tv. nga kjo kompani thanë se tre persona janë lënduar lehtë.

“Falënderojmë ekipet e shpëtimit, zjarrfikësit, policinë dhe personelin mjekësor për reagimin e shpejtë dhe profesional. Pasagjerët e tjerë të pa lënduar janë transportuar me një autobus tjetër drejt destinacionit të tyre. Dubova Reisen është duke bashkëpunuar ngushtë me autoritetet gjermane për zbardhjen e plotë të shkaqeve të aksidentit. Siguria e udhëtarëve ka qenë dhe mbetet prioriteti ynë kryesor”, thanë nga kjo kompani për Klankosova.tv.

Deklarata e plotë:

Dubova Reisen njofton opinionin publik dhe mediat se më datën 20 gusht 2025, rreth mesnatës, një nga autobusët tanë, gjatë udhëtimit në autostradën A8, pranë Irschenberg (Gjermani), është përfshirë në një aksident me një kamion.

Në autobus udhëtonin 41 pasagjerë. Si pasojë e përplasjes, 3 persona janë lënduar lehtë, dhe të gjithë kanë marrë ndihmë mjekësore të menjëhershme në vendngjarje.

Falënderojmë ekipet e shpëtimit, zjarrfikësit, policinë dhe personelin mjekësor për reagimin e shpejtë dhe profesional. Pasagjerët e tjerë të pa lënduar janë transportuar me një autobus tjetër drejt destinacionit të tyre.