Gruaja kanos bashkëshortin pas një sherri familjar, ndërhyn policia

Numri i rasteve të dhunës në familje në vendin tonë ka marrë përmasa shqetësuese. Një rast i tillë dhe i kanosjes është raportuar në orët e para të mëngjesit në fshatin Baicë të Gllogocit.

Burimet e Sinjalit bëjnë me dije se më 20 gusht 2025, rreth orës 02:30, Xh. K., rreth 46-vjeçar është paraqitur në stacionin policor për të raportuar se pas një mosmarrëveshjeje verbale, bashkëshortja e tij T. K., rreth 37-vjeçare, e kishte kanosur, duke iu referuar një urdhri mbrojtës.

Pas incidentit, viktima kishte dalë nga shtëpia dhe kishte shkuar në polici për ta denoncuar rastin. Nuk raportohet për persona të lënduar.

Rasti është marrë në trajtim nga oficeri për dhunë në familje. Viktima është kthyer në shtëpinë e tij në Baicë, ndërsa e dyshuara është vendosur tek familjarët e saj në fshatin Shtrubullovë.

Hetimet janë duke vazhduar.