Arjeta Salihu Abazi: Tentativat për konstituimin e Kuvendit po shndërrohen në lojë politike

Deputetja e Lidhjes Demokratike të Kosovës (LDK), Arjeta Salihu Abazi, ka reaguar pas seancës së sotme të Kuvendit, duke thënë se vendi po përballet me një tjetër tentativë për zvarritje të konstituimit të institucioneve, shkruan PodujevaSot.

Sipas saj, propozimi i kandidateve Albulena Haxhiu dhe Donika Gërvalla pa sigurimin e votave të mjaftueshme, nuk përbën zhbllokim të situatës, por një lojë politike.

“Është e qartë: partia e parë nuk ka interes të krijojë institucione të reja. Janë zgjatur në pushtet pa mandat, duke marrë vendime joligjore dhe të papërgjegjshme,” ka deklaruar Salihu Abazi.

Deputetja e LDK-së theksoi se pa një marrëveshje politike nuk do të ketë as zhbllokim e as stabilitet institucional, ndërsa koston e kësaj krize po e bartin qytetarët, duke mbetur pa institucione funksionale, pa vendimmarrje legjitime dhe pa stabilitet.