Plagosje me armë zjarri në këtë qytet shqiptar, për shkak të një vendparkimi

Një plagosje me armë zjarri ka ndodhur pasditen e sotme në Hamallaj të Durrësit për një vend parkimi.
Një person u qëllua me dy plumba në trup, kurse autori i dyshuar u largua nga vendi i ngjarjes me një automjet tip “Toyota Yaris”.
Sipas burimeve policore të pakonfirmuara zyrtarisht, dyshohet se autori është shtetasi me inicialet A.L.. ndërsa i plagosuri është 28 vjeç.
Forcat e policisë ndodhen në terren dhe po vijojnë kërkimet për kapjen e tij.
Postblloqe janë ngritur në rrugën që lidh Hamallajn me autostradën Durrës Tiranë, si dhe në këtë aks kombëtar drejt të cilit dyshohet se ka lëvizur autori pas krimit.