U nisën të shpëtojnë pushuesin, përplaset mjeti lundrues i policisë shqiptare

Pasditen e sotme rreth orës 18:20, Policia Kufitare në Vlorë është njoftuar se në zonën e Jonufrës ndodhej një shtetas me kanoe që kërkonte ndihmë, duke bërë që të paraqiteshin menjëherë për në vendngjarje.

Mësohet se mjeti lundrues tip ‘jet ski’ i Policisë Kufitare është përfshirë në një përplasje me një tjetër mjet lundrues ‘jet ski’ ku ndodheshin dy shtetas. Si pasojë, njëri prej drejtuesve ka marrë dëmtime të lehta.

Nën drejtimin e Prokurorisë, po kryhen veprimet procedurale, në bashkëpunim me AMP, për zbardhjen e plotë të rrethanave të ngjarjes.