Podujevë: Njoftim i rëndësishëm në lidhje me këtë konkurs pune

Komisioni Përzgjedhës i Komunës së Podujevës ka njoftuar se pas shqyrtimit të aplikacioneve për pozitën e lirë të mësimdhënësit të Gjuhës Gjermane, është vërejtur një gabim teknik.

Sipas njoftimit, një kandidat nuk ishte përfshirë në listën e atyre që kishin të drejtë të futeshin në testin me shkrim.

Komisioni ka bërë të ditur se kandidati Lindit Mehmeti i plotëson kushtet e nevojshme dhe është ftuar për testin me shkrim për këtë pozitë, në përputhje me kriteret e konkursit dhe dokumentacionin e dorëzuar.

Ky korrigjim lidhet me konkursin nr. 13-111/01-0038577/25 të datës 07.07.2025.