22-vjeçari aksidenton veturën e Policisë, lëndohen 3 zyrtarë

Një aksident trafiku ka ndodhur dje mbrëma në rrugën “Tirana” në Gjakovë, ku u përfshi një veturë civile dhe një automjet zyrtar i Policisë së Kosovës.

Burime të Sinjalit bëjnë të ditur se i dyshuari A.B., rreth 22-vjeçar, duke mos mbajtur distancë të mjaftueshme gjatë lëvizjes, me veturën e tij Citroen goditi nga mbrapa veturën zyrtare të Policisë, tip Shkoda, e cila po qarkullonte përballë Gjykatës Themelore.

Nga përplasja mbetën të lënduar tre zyrtarë policorë, dy prej të cilëve pësuan lëndime të lehta trupore.

Fatmirësisht dëmet materiale ishin minimale, ndërsa rasti është duke u hetuar nga autoritetet kompetente

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.