Policia kofirmon aksidentin ku një person humbi jetën

Një aksident trafiku me pasoja fatale është raportuar sot rreth orës 15:50 në fshatin Jabllanicë të komunës së Gjakovës.

Sipas informacioneve, një mashkull i moshës madhore ka humbur kontrollin mbi automjetin dhe është vetaksidentuar. Si pasojë e aksidentit, ai ka ndërruar jetë në vendin e ngjarjes.

Vdekja e tij është konstatuar nga ekipi mjekësor, ndërsa në vendin e ngjarjes kanë dalë edhe njësitë policore.

Rastin për Sinjalin e ka konfirmuar zëdhënësi për rajonin e Gjakovës, Sheremet Elezaj.

“Rreth orës 15:50 është raportuar aksident trafiku në fshatin Jabllanicë – Gjakovë. Policia ju ka përgjigjur rastit, ku ngasësi i një automjeti dyshohet të ketë humbur kontrollin mbi automjetin dhe është vet-aksidentuar. Për pasojë ngasësi (mashkull i moshës madhore) ka humbur jetën, vdekjen e të cilit e ka konstatuar ekipi mjekësor. Rasti është duke u trajtuar nga Njësia Rajonale e Komunikacionit Rrugor”, tha Elezaj për Sinjali.