5 të lënduar nga aksidenti në Lupç
Pesë persona kanë mbetur të lënduar në një aksident trafiku që ka ndodhur të enjten mbrëma në rrugën Prishtinë–Podujevë, në fshatin Lupç.
Në aksident janë përfshirë dy automjete, ndërsa në vendin e ngjarjes kanë dalë ekipet mjekësore për t’u ofruar ndihmë të lënduarve, shkruan Gazeta Online Reporteri.net.
Zëdhënësja e Policisë së Kosovës për Rajonin e Prishtinës, Flora Ahmeti, ka konfirmuar se rasti ka ndodhur rreth orës 20:00.
“Sot rreth orës 20:00 kemi pranuar informatën se në rrugën Prishtinë–Podujevë ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit janë lënduar pesë persona. Me rastin po merret njësiti i trafikut rajonal”, ka thënë Ahmeti.
