Tjetër tronditje në Kosovë: Humb jetën një person në aksident
Një aksident me pasoja fatale ka ndodhur mëngjesin e sotëm në rrugën “Konferenca e Bujanit” në Pejë.
Sipas Policisë, rreth orës 05:20, një veturë ka goditur një shtyllë ndriçimi rrugor, ku ngasësi ka pësuar lëndime të rënda trupore.
Ai është dërguar me urgjencë në Spitalin Rajonal të Pejës, por fatkeqësisht ka ndërruar jetë, ka konfirmuar ekipi mjekësor.
Policia ka nisur hetimet për zbardhjen e rrethanave të aksidentit.
Rastin për Gazeta Sinjali e ka konfirmuar zëdhënësi i policisë për rajonin e Pejës, Driton Rugova.
Sot rreth orës 05:20, Policia është njoftuar për një aksident trafiku i cili ka ndodhur në rrugen ‘ konferenca e bujanit’ në Pejë, në këtë aksident ishte e përfshirë një veturë e cila ka goditur shtyllën e ndriqimit rrugorë, si pasojë e këtij vetaksidenti ngasesi i veturës ka pësuar lendime trupore, i njejti është dërguar me autoambulancë në spitalin rajonal në Pejë, dhe nga ekipi mjekësor është konstatuar vdekja e viktimës”, tha Rugova për Sinjalin.
