Çitaku: Arritja e vetme e Qeverisë Kurti është rikthimi i agregatëve

Nënkryetarja e PDK-së, Vlora Çitaku, ka reaguar pas vidoes të cilën e ka publikuar dje Levizja Vetëvendosje, ku flet për sukseset e Qeverisë në sistemin energjetik.

Ajo ka thënë se Qeveria Kurti nuk e ka sjellë as projektin e MCC, e as ndonjë projekt tjetër në Kosovë, por e arritura e vetme kësaj qeverie është rikthimi i agregatëve dhe çmimeve më të larta të energjisë, transmeton IndeksOnline.

“Qeveria Kurti nuk e ka sjellë as projektin e MCC, e as ndonjë projekt tjetër në Kosovë.

E vetmja e arritur e kësaj qeverie është rikthimi i agregatëve dhe çmimeve më të larta të energjisë që qytetari ynë ka paguar ndonjëhere.”, ka shkruar Çitaku në Facebook.

Reagimi i plotë:

Lëvizja VV ka sabotuar çdo projekt që ka synuar rritjen e kapaciteteve gjeneruese dhe pavarësinë energjetike. Ama bash secilin, prej ndërtimit të termocentralit me thëngjill Kosova e re, deri tek kyqja në gazsjellësin e mbështetur nga SHBA-të.

Qeveria Kurti nuk e ka sjellë as projektin e MCC, e as ndonjë projekt tjetër në Kosovë.

E vetmja e arritur e kësaj qeverie është rikthimi i agregatëve dhe çmimeve më të larta të energjisë që qytetari ynë ka paguar ndonjëhere.

Nuk qeveriset me propagandë. Qeveriset me punë. Aman, punoni diçka./IndeksOnline/