Podujevë: Rrahje mes disa personave, një i arrestuar

Një përleshje mes fqinjëve ka ndodhur mbrëmjen e së enjtes në Podujevë, duke përfunduar me lëndime trupore dhe arrestimin e një personi.

Rasti është raportuar rreth orës 21:30 në rrugën “Jusuf Gërvalla”, ku një qytetar ka njoftuar se është sulmuar nga dy persona, njëri prej tyre fqinj i tij.

Ai ka deklaruar se është goditur me duar në fytyrë dhe ka pretenduar se sulmuesi kishte armë, por gjatë bastisjes së shtëpisë nuk është gjetur asgjë e dyshimtë, raporton PodujevaSot.

Pas marrjes së dëshmive, Prokurori i Shtetit ka urdhëruar që ndaj njërës nga palët të iniciohet rasti “Lëndim i lehtë trupor”, ndërsa është dërguar në mbajtje për 48 orë.

Hetimet për rastin po vazhdojnë dhe ne do t’ju mbajmë të informuar.